टॉप स्टोरी

• 50 पैशांपेक्षा जास्त आणेवारीच्या गावांनाही दुष्काळी निधी

  ज्या गावांची आणेवारी पन्नास पैशापेक्षा जास्त आहे, अशा गावांना दुष्काळात मदत मिळत नाही, त्यामुळे या पुढे अशा गावांना मदत मिळावी, म्हणून दुष्काळग्रस्त प्रत्येक जिल्ह्याला 'मुख्यमंत्री सहाय्यता निधी दुष्काळ' या मधून दहा कोटीचा निधी दिला जाईल, अशी घोषणा राज्याचे उपमुख्यमंत्री अजित पवार यांनी बीडमध्ये केली. बीड जिल्ह्यात दुष्काळी दौऱ्यावर आलेल्या पवार यांनी चार छावणी, बिंदुसरा प्रकल्प, गाळ काढणे या कामांना भेटी दिल्या आणि शेतकऱ्यांशी संवाद साधला. या नंतर त्यांनी जिल्हाधिकारी कार्यालयात घेतलेल्या बैठकीत अनेक महत्वपूर्ण निर्णय घेतले.